Keine Artikel in dieser Ansicht.
Inhaltsverzeichnis (dieser speziellen Seite):
Gedanken
Sin mir ganz in Rueh
tief byn is sälber,
isch ei Rueh, Friede, e lyslig Lächle und
au en Art Wüsse um d‘Nichtigkeit vo allem in und um uns:
unseri Seel, s‘ Läbe (dr Chrischtus) lauft über‘s Wasser...
Aber d‘ Gfühl blybe, trotz all däm Wüsse, wie ‘s Wasser und
d‘ Wälle wärde hochpeitscht vom Wind
und syne blitzende, donnergrollende schwarze Gwitter-Wolke am Himmel,
wo sin wie d‘ Gedanke...
Einesteils sich nit zerstöre loh vom Gwitter und dr tobende See und
andernteils au nit teilnahmslos über‘s Wasser laufe,
isch wie alles im Läbe
e Grot-Wanderig uf Mässers Schnydi...
Immer wieder goht e neu hilfrych Türli uf...
YGL
E Kelch voll Läbe
E Kelch voll Läbe
beschtoht us Läbe
und au Schtärbe
damit drus
alles
wieder neu
ka wärde
YGL
Regenbogen
Ein gereifter Tropfen
ein gereifter Tropfen
von Geburt an genährt
von der fruchtbaren Erd
erquickt vom Tau am Morgen
in Nebelschwaden geborgen
getränkt vom Regen
als erfrischendem Segen
unter Blitz und Hagel gelitten
rigoros und gezielt beschnitten
sauber gepflegt
sorgsam gehegt
mit Netzen geschützt, umwoben
von Vögeln, Insekten umflogen
beatmet durch windige Luft
betört von Eis- und Blüten-Duft
getrocknet und gebettet auf Stroh
gereift im runden Fass
als weiss und rotes Nass
macht den Geniesser froh
der gute Geist in diesem Wein
zeugt vom hellen Sonnenschein
zeugt von seinem Werdegang
drum mögen in frohen Stunden
diese gereiften Tropfen munden
dem ebenso gereiften Mann
YGL
Unsinn
Am Himmel hängt ein Berg
Das sieht ein böser Zwerg
Er macht einen grossen Sprung
Doch nun schaut er ganz dumm
Weil er gelandet so krumm
Er selbst nun da oben hängt
Sodass sein Kopf verkehrt denkt
Er glaubt, er sei ne Fliege
Und spinnt so manche Intrige
An deren Fäden kraxelt er weiter
Benutzt sie als praktische Leiter
Und plötzlich wird er ganz heiter
Er hat den Berg gefunden
Den will er jetzt umrunden
Es begrüssen ihn Geister
Die werden immer dreister
Sie haben ihn festgenagelt
Es regnet stürmt und hagelt
Der Berg am Himmel gagelt
Dem Zwerg, dem wird ganz sturm
Er verwandelt sich zum Wurm
Da kam eine Amsel geflogen
Und hat ihn aus dem Dreck gezogen
Die Moral von der Geschicht
Amseln fressen Würmer nicht
YGL
odyssee
1. episode
i sitz im zug
vo davos uf brugg
i find s nit glatt
doch s findet schtatt
ha gmeint i säch denn no öpis duss
doch die gedangge sin gsi e schtuss
s isch scho dunkel wie in re kueh
als wäre alli läde zue
d schybe isch zum schpiegel worde
die grällblaue polschter überborde
sin grad in doppleter usfüehrig zgseh
das feeling vo de kurve drzue isch wie uf hoher see
mit schtarkem wällegang in eme schiff eme zkleine
s isch nit zum lache sondern zum greine
das schture immer de gleis no
i laufti lieber drvo
doch wie könnt i denn morn d änkel hüete
i würd bym laufe in dr kälti allwä über mi sälber wüete
s isch nit zum glaube die heizig trybt mr dr schweiss ins gsicht
bym zug fahre plogt eim beschtimmt kei gicht
oh jemine
i bi immer no 1200 m über dr see
wenn das so langsam wyter goht
kumm ich mit dr zyt in not
jetzt brucht i denn öpe e brot
dr mage seht scho rot
wyl niene schpyswage dra schtoht
2. episode
wo d nochbere usgschtiege sin han i gmerkt
i rächne jo ganz verkehrt
links usse sin 2 x 2 blaui sitz
und 2 x 2 git s au no zmitts
rächts usse kann i sie nomol seh
12 persone könnte do schpielend platz neh
und wenn i gnau lueg
s isch kei unfueg
denn schpieglet im schpiegel äne
i kumm mr vor wie in quarantäne
das ganze grad nomol s isch kei witz
he jo i weiss so sache git s
s isch kei hungerascht mit ere fatamorgane
trotzdäm wär s guet s käm e sandwich ane
nänei i seh dr schnällzug noni
usschtyge müessti wenn i z schiers woni
s isch scho ne bitzli dumm
dass i erscht am halbi elfi heikumm
so jetzt liegt grüsch scho hinter mir
und i seh s umschtyge langsam vor mir
also will i mol vorläufig adie sage
und erscht im nägschte zug wyterklage
3. episode
dr nägschti zug isch noni do
do han i by dr zugzämmeschtelligstabälle en augeschyn gno
won i muess für in ässwage zgo
uf em perron gnau aneschtoh
i bi grad super poschtiert
do sait doch d asageri ungeniert
es täti alles anderscht ko
s zässe könn me drum nüm zvorderscht sondern zhindetscht beko
i schlängle mi dur d lüt und bi zfriede
denn die meischte sin gege mi gloffe sie sin jo usgschtiege
s het mr grad no glängt in dr mitti yzschtyge
so jetzt muess i gly nüm lyde
doch d tür zum hindere wage will nit ufgo
gottseidank isch e schwarze ko
i wöll doch in schpyswage go
är sait das gieng nit e so
me könni do
leider nümm wyter go
es seigi so
i müessti ussedure go
aber i könni scho
by ihm zässe überko
är heigi gnueg do
he jo
und so
han i my sandwich überko
jetzt sitz i gsättigt drum zfriede do
i ha sogar no ne coci überko
natürlig nit gratis wo dänksch au ane
aber s nägscht mol muess i e reis besser plane
ach dumm züg denn könnt i nüm dichte
und dir vo mynere odyssee brichte
YGL 21.3.11 (Davos ab 19.02 Brugg an 22.30)